Sorteringsalternativ
Set ekstra sorteringsalternativ som naturleg sortering, språk for sortering, handsaming av kolonnegrenser, plassering av sorteringsresultat og meir.
Skil mellom store og små bokstavar
Sortering følgjer sorteringsreglane for språkinnstillingane for dokumentet. I dei fleste vestlege språkinnstillingane vert små bokstavar viste før store bokstavar, medan i nokre er rekkefølja omvendt. For eksempel i norsk språkinnstilling er rekkjefølgja «a», «A» «b», «B». I dansk språkinnstilling er rekkjefølgja «A», «a», «B», «b».
LibreOfficeDev brukar sorteringsreglar basert på «International Components for Unicode» (ICU). Viss du vil ha detaljert sorteringsinformasjon spesifikk for dokumentspråket ditt, kan du gå til https://icu4c-demos.unicode.org/icu-bin/collation.html#legend.
For asiatiske språk: Kryss av for Skilnad på små og storebokstavar for å ta i bruk fleirnivåtoleranse. Med fleirnivåtoleranse vert elementa først samanlikna i deira primitive former der store bokstavar og aksentar vert ignorerte. Dersom dei vert vurderte til å vera like, vert kriteria rekna med ved den andre samanlikninga. Dersom dei framleis vert rekna som like, vert ulikskapar i storleik, teiknbreidde og japansk kana samalikna i den tredje samanlikninga.
Området inneheld rad-/kolonne-etikettar
Held den første rekkja eller den første kolonnen i markeringa ute frå sorteringa. Innstillinga Retning nedst i dialogvindauget definerer namnet og funksjonen for dette avkryssingsfeltet.
Ta med format
Bevarer celleformateringa.
Aktiver naturleg sortering
Naturleg sortering er ein algoritme som sorterer strengprefikserte tal etter dei numeriske verdiane, i staden for å handsama dei som rein tekst for samanlikkningane.
Eksempel: verdiane A1, A15, A9, A4, A5, A17, …, A2, A13, A21 sortert i naturleg rekkjefølgje vert
A1, A2, A3, A4, A5, A6, ..., A19, A20, A21.
Det same sette med verdiar vert når det ikkje vert sortert naturleg
A1, A11, A12, A13, ..., A19, A2, A20, A21, A3, A4, A5, ..., A9.
Kjenne igjen desimalskiljeteikn
Desimalteiknet, som varierer etter språk, indikerer at det er eit desimaltal når det vert inkludert i talet som kjem etter teksten. For eksempel: A1.14, A1.2, A2.5, A10 (med eit punktum som skiljeteikn).
Desimalskiljeteikn som vanleg teikn
Desimalteiknet, som varierer etter språk, indikerer ikkje eit desimaltal når det er inkludert i den følgjande teksten, i staden vert det handsama som eit vanleg teikn. For eksempel inneheld A1.14 teiknet «A», talet 1, teiknet «.» og talet 14.
Ta med margkolonnar/rader som berre inneheld merknadar.
Margkolonnar for område (for sortering av rader) eller margrader (for sortering av kolonner) i eit sorteringsområde vert ikkje sortert som standard viss dei er tomme. Merk av for dette alternativet viss margkolonnar eller margrader som inneheld merknadar også skal sorterast.
Ta med marg-kolonnar/-rader som berre inneheld bilete.
Margkolonnar (for sortering av rader) eller margrader (for sortering av kolonnar) i eit sorteringsområde vert ikkje sortert som standard viss dei er tomme. Merk av for dette alternativet viss margkolonnar eller margrader som inneheld bilete også skal sorterast.
Kopier sorteringsresultata til:
Kopierer den sorterte lista til det celleområdet du har spesifisert.
Sorteringsresultat (liste over namngjevne område)
Vel eit namngjeve celleområde som den sorterte lista skal visast i.
Sorteringsresultate (innskrivingsfelt)
Skriv inn celleområdet som den sorterte lista skal visast i.
Tilpassa sorteringsrekkjefølgje
Kryss av her for å velja ei tilpassa sorteringsrekkjefølgje.
Tilpassa sorteringsrekkjefølgje
Vel den sjølvvalde sorteringsrekkjefølgja du vil bruka. For å definera rekkjefølgja, vel → .
Språkversjon
Språkversjon
Vel språk for sorteringsreglane.
Innstillingar
Vel ei sorteringsinnstilling for språket. Dersom det er lagt inn ulike sorteringsreglar for det valde språket, kan du her velja mellom desse. For eksempel kan du velja «Telefonbok» for tysk for å ta omsyn til diakritiske teikn (ä, ü osv.) ved sorteringa.
Retning
Ovanfrå og ned (sortér radene)
Sortér radene etter verdiane i dei aktive kolonnane i det merkte området.
Frå venstre til høgre (sortér kolonnane)
Sortér alle kolonnane etter verdiane i dei aktive radene i det merkte området.